clone demo

புதன், செப்டம்பர் 11, 2013

அந்தணர்களுக்குப் படைக்கப்பட்ட பன்றிக்கறியும் மான்கறியும்! - சபாபர்வம் பகுதி 4

Brahmanas were served pork and venison | Sabha Parva - Section 4 | Mahabharata In Tamil

(சபா கிரியா பர்வத் தொடர்ச்சி)

இப்பதிவின் காணொலி புத்தகத்தை யூடியூபில் காண




மயனால் கட்டப்பட்ட அந்த தெய்வீக சபைக்குள் யுதிஷ்டிரன் நுழைதல்; அந்தணர்களுக்கு தானம் செய்தல்; அந்தச் சபையில் அமர்ந்திருந்த க்ஷத்திரியர்கள் மற்றும் முனிவர்களின் பெயர் வரிசை;

வைசம்பாயனர் சொன்னார், "பிறகு மனிதர்களின் தலைவனான மன்னன் யுதிஷ்டிரன், பத்தாயிரம் அந்தணர்களுக்கு, பாலுடனும், நெய் கலந்த அரிசியுடனும், தேன் கலந்த கனிகளுடனும், கிழங்குகளுடனும், பன்றியிறைச்சி மற்றும் மான் இறைச்சியுடனும் உணவு கொடுத்து, பின்பு அந்த தெய்வீக சபைக்குள் நுழைந்தான். பல தேசங்களில் இருந்து வந்திருந்த அந்த அந்தணர்களுக்கு, அந்த மன்னன் {யுதிஷ்டிரன்} எள்ளால் பக்குவப்படுத்தப்பட்ட உணவையும், ஜிபந்தி என்ற காய்கறிகளால் தயாரிக்கப்பட்ட உணவையும், அரிசியுடன் தெளிந்த நெய்யைக் கலந்து, பல வகைகளில் தயாரிக்கப்பட்ட இறைச்சிகளுடன், மேலும் பலதரப்பட்ட உணவு வகைகளுடனும், உறிஞ்சத் தக்க வகையிலும், குடிக்கத்தக்க வகையிலும் கொடுத்தான். மேலும், பல ஆடைகளையும், பூ வேலைப்பாடு நிறைந்த அற்புத துணிகளையும் கொடுத்தான். மேலும் அந்த மன்னன் {யுதிஷ்டிரன்} ஒவ்வொரு அந்தணனுக்கும் ஆயிரம் பசுக்களையும் கொடுத்தான். 

பிறகு ஓ பாரதா {ஜனமேஜயா}, "என்ன அதிர்ஷ்டமான நாள் இது!" என்ற சத்தமாகச் சொன்ன திருப்தியடைந்த அந்தணர்களின் குரல் விண்ணுலகம் வரை கேட்டது. தேவர்களை வணங்கி விட்டு, அந்த தெய்வீக சபைக்குள் நுழைந்த குரு குல மன்னனை {யுதிஷ்டிரனை} பலதரப்பட்ட இசையாலும், கணக்கிலடங்கா மதிப்புவாய்ந்த நறுமணப்பொருட்களாலும், வாழ்த்துப்பாடல்களாலும், விளையாட்டு வீரர்களும், பரிசுக்காகப் போரிடும் வீரர்களும்,  பாடகர்களும், புகழ்மாலை சூட்டுபவர்களும் தங்கள் திறமைகளைக் காட்டி அந்த சிறப்பு வாய்ந்த தர்மனின் மகனைத் {யுதிஷ்டிரனைத்} திருப்திப்படுத்தினர். 

இப்படி அரண்மனைக்குள் தான் நுழைவதைக் கொண்டாடிய யுதிஷ்டிரன் தனது தம்பிகளுடன் அந்த அரண்மனைக்குள், விண்ணுலகில் நுழையும் சக்ரனைப் {இந்திரனைப்} போல நுழைந்தான். அந்த அரண்மனையின் ஆசனங்களில் பாண்டவர்களுடன் சேர்ந்து, முனிவர்களும், பல நாட்டு மன்னர்களும் அமர்ந்தனர். அசிதனும் தேவலனும், சத்யன், சர்பமலி, மஹாசிரன், அர்வவசு, சுமித்ரன், மைத்ரேயேன், சுனகன், பலி, பகன், தல்வியன், ஷ்தூலசிரன், கிருஷ்ண துவைபாயனர் {வியாசர்}, சுக சுமந்தன், ஜைமினி, பைலா, வியாசரின் சீடர்களும் மற்றும் நாங்களும்; பிறகு தித்திரி, யக்ஞவல்கியன், தனது மகனுடன் {சௌதியுடன்} கூடிய ரோமஹர்ஷணர், அப்சுஹோமியர், தௌமியர், ஆணிமாண்டவ்யர், கௌசிகர், தமோஷ்னிஷன், திரைவாலி, பரனாதன், வரயானுகன், மொன்ஜயனன், வாயுபக்ஷன், பராசர்யன், சரிகன், பலிபகன், சிலிபகன், சத்யபலன், கிருதஸ்ரமா, ஜாதுகர்ணா, சிகாவத், ஆலம்வா, பாரிஜாதகா, மேன்மையான பர்வதன், பெரும் முனிவர் மார்க்கண்டேயர், பவித்ரபணி, சவர்ணன், காக்ஷிவத், அஷிஜ், நசிகேதன், ஔஷின், நசிகேதன் {2}, கௌதமன், பைங்கன், வராகன், சுனகன், பெரும் ஆன்மத் தகுதி கொண்ட சாண்டில்யன், குக்குரன், வேணுஜங்கன், காலபன், கதன், மேலும், பல கற்ற முனிவர்களும், புலன்களும் ஆன்மாவும் முழு கட்டுக்குள் இருந்த முனிவர்களும், எண்ணிலடங்கா வேதம் மற்றும் வேதாங்கங்களை அறிந்த முனிவர்களும் சிறப்பு வாய்ந்த யுதிஷ்டிரனுக்காகக் காத்திருந்து, அவனிடம் புனிதக் கதைகள் பேசி அவனை மகிழ்ச்சியடைய வைத்தனர். 

எண்ணிலடங்கா க்ஷத்திரியர்களும் அங்கே வந்திருந்தனர். சிறப்புவாய்ந்த அறம்சார்ந்த முஜகேது, விவர்த்தனன், சங்கிரமஜித்தன், துர்முகன், பலம் வாய்ந்த உக்ரசேனன், காக்ஷசேனன், ஒப்பற்ற க்ஷேமகன், காம்போஜ நாட்டு மன்னன் கமதன், தனியாகச் சென்று யவனர்களை நடுங்க வைத்த, யார் {கம்பணன்} பெயரைக் கேட்டால் காலகேயர்கள் என்ற அசுரர்களை இடியைத் தாங்குபவன் {இந்திரன்} நடுங்க வைப்பானோ அந்தப் பெரும் பலம் வாய்ந்த கம்பணன், மத்ரகர்களின் மன்னன் ஜடாசூரன், குந்தி, கிராதர்களின் மன்னன் புலிந்தன், அங்கம், வங்கம், பௌந்தரம் ஆகிய நாட்டு மன்னர்களும், உத்தர நாட்டு மன்னனும், அந்தகன், சுமித்ரன், எதிரிகளைக் கொல்லும் சைப்பியன், கிராதர்களின் மன்னன் சுமணன், யவனர்களின் மன்னன் சானுர், தேவராதன், போஜன், பீம ராதன், கலிங்க மன்னன் சுருதயுதன், மகதமன்னன் ஜெயசேனன், சுகர்மன், சேகிதனன், எதிரிகளைக் கொல்லும் புரு, கேதுமதன், வசுதனன், வைதேஹன், கிரதாக்ஷன், சுதர்மன், அநிருதன், பெரும் பலம் வாய்ந்த சுருதயு, ஒப்பற்ற அனுபராஜன், அழகான கார்மஜித், தனது மகனுடன் சேர்ந்து வந்த சிசுபாலன், காருஷ நாட்டு மன்னன், ஆகியோர் அங்கே வந்திருந்தனர். 

மேலும் விருஷ்ணி குலத்தின் ஒப்பற்ற இளைஞர்களான அஹுகன், விப்ருது, சதன், சரணன், அக்ரூரன், கிருதவர்மன், சினியின் மகன் சத்யகன், பீஷ்மகன், அங்கிரிதி, கைகேய வில்வீரர்களில் முதன்மையானவனும் சக்திவாய்ந்தவனுமான த்யுமத்சேனன் சோமக குலத்தைச் சார்ந்த யக்ஞசேனன் ஆகிய இந்த க்ஷத்திரியர்கள் அனைவரும் குந்தியின் மகன் யுதிஷ்திடிரனை மகிழ்ச்சிப்படுத்த விரும்பி அங்கே அந்த சபையில்  காத்திருந்தனர். பெரும் பலம் பொருந்திய அந்த இளவரசர்கள் மான்தோலுடுத்தி, அர்ஜுனனிடம் ஆயுத அறிவியல் பயின்று யுதிஷ்டிரனுக்காகக் காத்திருந்தனர். ஓ மன்னா, அர்ஜுனனுக்குக் கீழிருந்து ஆயுத அறிவியலைப் பயின்ற விருஷ்ணி குலத்தின் இளவரசர்களான பிரத்யும்னன் {ருக்மிணியின் மகன்}, சம்பன், சாத்யகியின் {சத்யகனின்} மகன் யுயுதானன் [1], சுதர்மன், அநிருதன், சைப்பியன் ஆகிய மனிதர்களில் முதன்மையானவர்களும் மற்றும் பல தேசத்து  அரசர்களும் அங்கே அந்த சந்தர்ப்பத்தில் யுதிஷ்டிரனுக்காகக் காத்திருந்தனர். தனஞ்செயனின் நண்பனான தும்புருவும், தனது அமைச்சர்களுடன் கூடிய கந்தர்வன் சித்தசேனனும், பல கந்தர்வர்களும், அப்சரஸ்களும், வாய்ப்பாட்டு மற்றும் ஒலி ஒழுங்கான இசைக்கருவியில் நிபுணத்துவம் வாய்ந்தவர்களும், தேவர்களுக்காக இனிய குரலில் பாட்டுப்பாடும் கிண்ணரர்களும், அங்கே பாண்டுவின் மகன்களுக்காகவும் அந்தச் சபையில் வீற்றிருந்த முனிவர்களுக்காகவும் காத்திருந்தனர். அந்தச் சபையில் அமர்ந்திருந்த பெரும் நோன்புகள் நோற்று உண்மைக்குத் தங்களை அர்ப்பணித்த அந்த மனிதர்களில் காளைகள், பிரம்மனுக்காக காத்திருக்கும் தேவர்களைப் போல யுதிஷ்டிரனுக்காகக் காத்திருந்தனர்.

[1] சாத்யகிக்கே யுயுதானன் என்ற பெயர் உண்டு. இங்கே குறிப்பிடப்படுவது சாத்யகியின் தந்தையான சத்யகனாகவே இருக்க வேண்டும்.

Print Friendly Version of this pagePrint Get a PDF version of this webpagePDF

மஹாபாரதத்தின் முக்கிய மனிதர்கள் வரும் பகுதிகள்

அக்ருதவ்ரணர் அக்னி அகம்பனன் அகஸ்தியர் அகிருதவரணர் அங்கதன் அங்காரபர்ணன் அங்கிரஸ் அசமஞ்சன் அசலன் அசுவினிகள் அத்புதன் அத்ரி அத்ரிசியந்தி அதிரதன் அபிமன்யு அம்பரீஷன் அம்பா அம்பாலிகை அம்பை அயோதா தௌம்யா அர்வாவசு அர்ஜுனன் அரிஷ்டநேமி அருணன் அருணி அருந்ததி அலம்புசன் அலாயுதன் அவிந்தியன் அவுர்வா அன்சுமான் அனுவிந்தன் அஷ்டகன் அஷ்டவக்கிரர் அஸ்வத்தாமன் அஸ்வபதி ஆணிமாண்டவ்யர் ஆத்ரேயர் ஆதிசேஷன் ஆர்யகன் ஆர்ஷ்டிஷேணர் ஆஸ்தீகர் இந்திரசேனன் இந்திரசேனை இந்திரத்யும்னன் இந்திரன் இந்திரஜித் இராவான் {அரவான்} இல்வலன் உக்கிரசேனன் உக்தன் உச்சைஸ்ரவஸ் உசீநரன் உத்தமௌஜஸ் உத்தரன் உத்தரை உத்தவர் உத்தாலகர் உதங்கர் உதங்கா உபமன்யு உபரிசரன் உபஸ்ருதி உலூகன் உலூபி ஊர்வசி எலபத்திரன் ஏகலவ்யன் ஐராவதன் கங்கன் கங்கை கசன் கடோத்கசன் கண்வர் கணிகர் கத்ரு கந்தன் கபோதரோமன் கயன் கர்ணன் கருடன் கல்கி கல்மாஷபாதன் கலி கவந்தன் கனகன் கஹோடர் காகமா காசியபர் காதி காந்தாரி காமதேனு காயத்ரி கார்க்கோடகன் கார்த்திகை காலகேயர் காலவர் காளி காக்ஷிவத் கிந்தமா கிர்மீரன் கிரது கிரந்திகன் கிராதன் கிரிசன் கிரிடச்சி கிருதவர்மன் கிருதவீர்யன் கிருதாசி கிருபர் கிருஷ்ணன் கீசகர்கள் கீசகன் குணகேசி குந்தி குந்திபோஜன் குபேரன் கும்பகர்ணன் குரோதவாசர்கள் குவலாஸ்வன் கேசின் கேசினி கைகேயி கோடிகன் கோமுகன் கௌசிகர் கௌசிகி கௌதமர் சக்திரி சக்ரதேவன் சகரன் சகாதேவன் சகுந்தலை சகுனி சங்கன் சச்சி சசபிந்து சஞ்சயன் சஞ்சயன் 1 சத்தியபாமா சத்தியவதி சத்தியஜித் சத்யபாமா சத்யவான் சதானீகன் சந்தனு சந்திரன் சம்சப்தகர்கள் சம்பா சம்பை சம்வர்ணன் சமீகர் சர்மிஷ்டை சர்யாதி சரஸ்வதி சல்லியன் சலன் சனத்சுஜாதர் சஹஸ்ரபத் சாகரன் சாண்டிலி சாத்யகி சாத்யர்கள் சாந்தை சாம்பன் சாம்யமணி சாரங்கத்வஜன் சாரிசிரிகன் சாருதேஷ்ணன் சால்வன் சாவித்ரி சிகண்டி சிங்கசேனன் சிசுபாலன் சித்திரசேனன் சித்திராங்கதை சித்ரவாஹனன் சிபி சியவணன் சியவனர் சிரிங்கின் சிருஞ்சயன் சிவன் சீதை சுக்ரன் சுக்ரீவன் சுகன்யா சுசர்மன் சுசோபனை சுதர்சனன் சுதர்மை சுதன்வான் சுதக்ஷிணன் சுதாமன் சுதேவன் சுதேஷ்ணை சுந்தன் உபசுந்தன் சுநந்தை சுப்ரதீகா சுபத்திரை சுமுகன் சுரதை சுருதசேனன் சுருதர்வான் சுருதாயுதன் சுருதாயுஸ் சுவாகா சுவேதகேது சுனந்தை சுஹோத்திரன் சூதன்வான் சூர்ப்பனகை சூரன் சூரியதத்தன் சூரியன் சேகிதானன் சேதுகன் சைகாவத்யர் சைப்யை சைரந்திரி சோமகன் சோமதத்தன் சௌதியும்னி சௌனகர் ததீசர் தபதி தபஸ் தம்போத்பவன் தமயந்தி தமனர் தர்மதேவன் தர்மவியாதர் தளன் தக்ஷகன் தாத்ரேயிகை தார்க்ஷ்யர் தாருகன் தாலப்யர் தியுமத்சேனன் திரஸதஸ்யு திரிசிரன் திரிஜடை திருதராஷ்டிரன் திருஷ்டத்யும்னன் திரௌபதி திலீபன் திலோத்தமை திவோதாசன் துச்சலை துச்சாசனன் துந்து துர்க்கை துர்மதன் துர்மர்ஷணன் துர்முகன் துர்வாசர் துர்ஜயன் துரியோதனன் துருபதன் துருபதன் புரோகிதர் துரோணர் துவஷ்டிரி துவாபரன் துஷ்கர்ணன் துஷ்யந்தன் தேவ தேவசேனை தேவயானி தேவாபி தௌமியர் நகுலன் நகுஷன் நரகாசுரன் நரன் நளன் நளன்2 நாரதர் நாராயணர்கள் நாராயணன் நிவாதகவசர்கள் நீலன் நைருதர்கள் பகதத்தன் பகர் பகன் பகீரதன் பத்ரசாகன் பத்ரா பப்ருவாஹனன் பர்ணாதன் பர்வதர் பரசுராமர் பரத்வாஜர் பரதன் பராசரர் பராவசு பரீக்ஷித் பரீக்ஷித்1 பலராமன் பலன் பலி பாகுகன் பாண்டியன் பாண்டு பானுமான் பாஹ்லீகர் பிங்களன் பிரகலாதன் பிரத்யும்னன் பிரத்னஸ்வன் பிரதர்த்தனன் பிரதிவிந்தியன் பிரதீபன் பிரம்மத்வாரா பிரம்மா பிரம்மாதி பிரமாதின் பிராதிகாமின் பிருகத்யும்னன் பிருகதஸ்வர் பிருகு பிருது பிருந்தாரகன் பிருஹத்சேனை பிருஹத்பலன் பிருஹத்ரதன் பிருஹந்நளை பிருஹஸ்பதி பீமன் பீமன்1 பீஷ்மர் புரு புருரவஸ் புரோசனன் புலஸ்தியர் புலஹர் புலோமா புஷ்கரன் பூமாதேவி பூரி பூரிஸ்ரவஸ் பௌரவன் பௌலோமர் மங்கணகர் மடன் மணிமான் மதிராக்ஷன் மதுகைடபர் மந்தபாலர் மந்தரை மயன் மருத்தன் மஹாபிஷன் மஹிஷன் மாத்ரி மாதலி மாதவி மாந்தாதா மார்க்கண்டேயர் மாரீசன் மாலினி மிருத்யு முகுந்தன் முசுகுந்தன் முத்கலர் முனிவர்பகன் மூகன் மேதாவி மேனகை மைத்ரேயர் யது யமன் யயவரர் யயாதி யவக்கிரீ யுதாமன்யு யுதிஷ்டிரன் யுயுத்சு யுவனாஸ்வன் ரந்திதேவன் ராகு ராதை ராமன் ராவணன் ரிசீகர் ரிதுபர்ணன் ரிஷ்யசிருங்கர் ரிஷபர் ருக்மரதன் ருக்மி ருத்திரன் ருரு ரேணுகை ரைப்பியர் ரோமபாதன் லட்சுமணன் லட்சுமி லபிதை லக்ஷ்மணன் லோகபாலர்கள் லோபாமுத்திரை லோமசர் லோமபாதன் லோமஹர்ஷனர் வசாதீயன் வசிஷ்டர் வசு வசுதேவர் வசுமனஸ் வந்தின் வர்கா வருணன் வஜ்ரவேகன் வாசுகி வாதாபி வாமதேவர் வாயு வார்ஷ்ணேயன் வாலகில்யர் வாலி விகர்ணன் விசாகன் விசித்திரவீரியன் விதுரன் விதுலை விந்தன் விபாண்டகர் விபாவசு விபீஷணன் வியாக்ரதத்தன் வியாசர் வியுஷிதஸ்வா விராடன் விருத்திரன் விருஷகன் விருஷசேனன் விருஷதர்பன் விருஷபர்வன் விரோசனன் விவிங்சதி வினதை விஷ்ணு விஸ்வகர்மா விஸ்வாமித்ரர் வேதா வைகர்த்தனன் வைசம்பாயனர் வைவஸ்வத மனு வைனியன் ஜடாசுரன் ஜடாயு ஜந்து ஜமதக்னி ஜரத்காரு ஜராசந்தன் ஜரிதை ஜரை ஜலசந்தன் ஜனகன் ஜனபதி ஜனமேஜயன் ஜாரிதரி ஜிமூதன் ஜீவலன் ஜெயத்சேனன் ஜெயத்ரதன் ஜோதஸ்நாகாலி ஷாமந்தர் ஸ்தூணாகர்ணன் ஸ்வேதகி ஸ்வேதகேது ஸ்வேதன் ஹயக்ரீவன் ஹர்யஸ்வன் ஹரிச்சந்திரன் ஹனுமான் ஹிடிம்பன் ஹிடிம்பை ஹோத்திரவாஹனர்
 

காப்புரிமை

© 2012-2017, செ.அருட்செல்வப்பேரரசன்
இவ்வலைப்பூவின் பதிவுகளை உரிய சுட்டிகளுடன் இணையத்தில் பகிர்ந்து கொள்ளத் தடையில்லை.
வேறு எவ்வகையிலோ, விதத்திலோ இணையத்திலும், பிற ஊடகங்களிலும் பகிரவும், வெளியிடவும் முன்னனுமதி பெற வேண்டும்.
Blogger இயக்குவது.
Back To Top