Friday, March 17, 2017

பேரழிவை உண்டாக்கிய கர்ணன்! - கர்ண பர்வம் பகுதி – 47

The great slaughter caused by Karna! | Karna-Parva-Section-47 | Mahabharata In Tamil


பதிவின் சுருக்கம் : சம்சப்தகர்களை எதிர்த்துச் சென்ற அர்ஜுனன்; கர்ணனைப் பாதுகாத்த துரியோதனன்; பாஞ்சாலர்களுக்குப் பேரழிவை உண்டாக்கிய கர்ணன்...


திருதராஷ்டிரன் {சஞ்சயனிடம்}, “முறையாக அணிவகுக்கப்பட்ட அந்தப் படைகள் இரண்டும் போரிடுவதற்காக இவ்வாறு ஒன்றுகலந்த போது, ஓ!சஞ்சயா, பார்த்தன் {அர்ஜுனன்} சம்சப்தகர்களையும், கர்ணன் பாண்டவர்களையும் எவ்வாறு எதிர்த்தனர்?(1) உரைப்பதில் திறனுள்ளவனாக நீ இருப்பதால், போர் நிகழ்வுகளை எனக்குச் சொல்வாயாக. போரில் வீரர்களின் ஆற்றல்களைக் குறித்துக் கேட்பதில் நான் எப்போதும் முழு நிறைவையடைவதில்லை” என்று கேட்டான்.(2)


சஞ்சயன் {திருதராஷ்டிரனிடம்} சொன்னான், “அவ்வகையில் நின்றிருந்த பகைவரின் பரந்த படையை உற்று நோக்கிய அர்ஜுனன், உமது மகனின் {துரியோதனனின்} தீய கொள்கையின் {ஆலோசனைகளின்} விளைவால், தன் துருப்புகளை முறையான வடிவில் அணிவகுக்கச் செய்தான்.(3) குதிரைவீரர்கள், யானைகள், காலாட்படை வீரர்கள், தேர்கள் ஆகியவை நிறைந்ததும், திருஷ்டத்யும்னன் தலைமையிலானதுமான அந்தப் பரந்த பாண்டவப் படையானது, அப்போது மிக அற்புதமானதாகத் தெரிந்தது.(4) புறாக்களைப் போன்று வெண்மையான தன் குதிரைகளுடன் கூடியவனும், சூரியன் அல்லது சந்திரனுக்கு இணையான காந்தியைக் கொண்டவனும், வில் தரித்திருந்தவனுமான பிருஷதன் மகன் {திருஷ்டத்யும்னன்}, காலனே உடல் கொண்டு வந்ததைப் போலப் பிரகாசமாகத் தெரிந்தான்.(5) போரிடும் விருப்பத்துடன் கூடிய திரௌபதியின் மகன்கள், அந்தப் பார்ஷதனின் {திருஷ்டத்யும்னனின்} பக்கத்தில் நின்றிருந்தனர். அவர்கள் அனைவரும் சிறந்த கவசங்களைப் பூண்டவர்களாகவும், சிறந்த ஆயுதங்களைத் தரித்தவர்களாகவும், புலிகளின் ஆற்றலைக் கொண்டவர்களாகவும் இருந்தனர். ஒளிவீசும் உடல்களோடு கூடிய அவர்கள் சந்திரனோடு தோன்றும் விண்மீண்களைப் போலத் தங்கள் தாய்மாமனை {திருஷ்டத்யும்னனைப்} பின்தொடர்ந்தனர்.(6)

வியூகத்தில் நிற்கும் சம்சப்தகர்களைக் கண்ட அர்ஜுனன், கோபத்தால் தூண்டப்பட்டு, தன் வில்லான காண்டீவத்தை வளைத்தபடி அவர்களை எதிர்த்து விரைந்தான்.(7) அப்போது அர்ஜுனனைக் கொல்ல விரும்பிய சம்சப்தகர்கள், வெற்றியடைய உறுதியாகத் தீர்மானித்துக் கொண்டும், மரணத்தையே தங்கள் இலக்காகக் கொண்டும் பார்த்தனை எதிர்த்து விரைந்தனர்.(8) மனிதர்கள், குதிரைகள், மதங்கொண்ட யானைகள், தேர்கள் ஆகியவை நிறைந்ததும், வீரர்களைக் கொண்டதுமான அந்தத் துணிச்சல்மிக்கப் படையானது {சம்சப்தகப் படையானது}, மிக வேகமாக அர்ஜுனனைப் பீடிக்கத் தொடங்கியது.(9) கிரீடியுடனான {அர்ஜுனனுடனான} அவர்களது மோதல் மிகவும் மூர்க்கமாக இருந்தது. நாம் கேள்விப்பட்ட அர்ஜுனன் மற்றும் நிவாதகவசர்களுக்கு இடையில் நடந்ததற்கு ஒப்பாக அந்த மோதல் இருந்தது.(10)

தேர்கள், குதிரைகள், கொடிமரங்கள், யானைகள், போரில் ஈடுபட்டுக் கொண்டிருந்த காலாட்படைவீரர்கள், கணைகள், விற்கள், வாள்கள், சக்கரங்கள், போர்க்கோடரிகள், ஆயுதங்களைப் பிடியில் கொண்டு உயர்த்தப்பட்ட கரங்கள் மற்றும் எதிரிகளின் தலைகளையும் பார்த்தன் ஆயிரமாயிரமாக அறுத்துத் தள்ளினான்.(11,12) போர்வீரர்களின் ஆழமான சுழலில் பார்த்தனின் {அர்ஜுனனின்} தேர் மூழ்கிப் போனதாகக் கருதிய சம்சப்தகர்கள், பெரும் முழக்கங்களைச் செய்தனர்.(13) எனினும், முன்னால் இருந்த தன் எதிரிகள் அனைவரையும் கொன்ற பார்த்தன், அதையும் தாண்டி நின்றவர்களையும் கொன்று, அதன் பிறகு, உயிருடன் கூடிய அனைத்து உயிரினங்களையும் கோபத்தால் கொல்லும் ருத்திரனைப் போலத் தனக்கு வலப்புறத்திலும், பின்புறத்தில் இருந்தோரையும் கொன்றான்.(14)

பாஞ்சாலர்கள், சேதிகள், சிருஞ்சயர்கள் ஆகியோருக்கும், உமது துருப்புகளுக்கும் இடையில் நடைபெற்ற மோதலானது மிக மூர்க்கமானதாக இருந்தது.(15) உற்சாகத்துடன் கூடியவையும், சினத்தால் நிறைந்தவையும், தேர்களின் அடர்த்தியான படையணிகளைத் தாக்கவல்லவையுமான துருப்புகளின் துணையுடன் கூடியவர்களும், போரில் வீழ்த்தப்படக் கடினமான வீரர்களுமான கிருபர், கிருதவர்மன், சுபலனின் மகனான சகுனி ஆகியோர், பெரும் துணிவைக் கொண்டவர்களான கோசலர்கள், காசிகள், மத்ஸ்யர்கள், காருஷர்கள், கைகேயர்கள், சூரசேனர்கள் ஆகியோர் அனைவருடனும் போரிட்டனர்.(16,17) பெரும் படுகொலைகள் நிறைந்ததும், உடல் உயிர் மற்றும் பாவங்களுக்கு அழிவை உண்டாக்குவதுமான அந்தப் போரானது, அதில் ஈடுபட்ட க்ஷத்திரிய, வைசிய, சூத்திர வீரர்களுக்குப் புகழ், சொர்க்கம் மற்றும் அறம் ஆகியவற்றை உண்டாக்குவதாக அமைந்தது.(18)

அதே வேளையில், ஓ! பாரதக் குலத்தின் காளையே {திருதராஷ்டிரரே}, தன் தம்பிகளுடன் கூடிய மன்னன் துரியோதனன், குரு வீரர்கள் பலராலும், வலிமைமிக்க மத்ரகத் தேர்வீரர்கள் பலராலும் ஆதரிக்கப்பட்டு, பாண்டவர்கள், பாஞ்சாலர்கள், சேதிகள் மற்றும் சாத்யகியுடன் போரிட்டுக் கொண்டிருந்த கர்ணனைப் பாதுகாத்தான்.(19,20) தன் கூரிய கணைகளால் அந்தப் பரந்த படைப்பிரிவையும், தேர்வீரர்களில் முதன்மையான பலரையும் அழித்த கர்ணன், யுதிஷ்டிரனைப் பீடிப்பதில் வென்றான்.(21) கவசங்கள், ஆயுதங்கள், ஆயிரக்கணக்கான எதிரிகளின் உடல்கள் ஆகியவற்றை வெட்டி, தன் எதிரிகளில் ஆயிரக்கணக்கானோரைக் கொன்று, அவர்களைச் சொர்க்கத்திற்கு அனுப்பி வைத்து, அவர்களைப் பெரும்புகழ் ஈட்டச் செய்த கர்ணன், தன் நண்பர்களுக்குப் பெரும் மகிழ்ச்சியை உண்டாக்கினான்.(22) இப்படியே, ஓ! ஐயா {திருதராஷ்டிரரே}, மனிதர்கள், குதிரைகள், தேர்கள் ஆகியவற்றுக்கு அழிவை உண்டாக்கியதும், குருக்களுக்கும், சிருஞ்சயர்களுக்கும் இடையில் நடந்ததுமான அந்தப் போரானது, பழங்காலத்தில் தேவர்களுக்கும், அசுரர்களுக்கும் இடையில் நடந்த போருக்கு ஒப்பாக இருந்தது” {என்றான் சஞ்சயன்}.(23)


ஆங்கிலத்தில் | In English

மஹாபாரதத்தின் முக்கிய மனிதர்கள் வரும் பகுதிகள்

அகம்பனன் அகஸ்தியர் அகிருதவரணர் அக்ருதவ்ரணர் அக்னி அங்கதன் அங்காரபர்ணன் அங்கிரஸ் அசமஞ்சன் அசலன் அசுவினிகள் அதிரதன் அத்புதன் அத்ரி அத்ரிசியந்தி அபிமன்யு அம்பரீஷன் அம்பா அம்பாலிகை அம்பை அயோதா தௌம்யா அரிஷ்டநேமி அருணன் அருணி அருந்ததி அர்வாவசு அர்ஜுனன் அலம்புசன் அலாயுதன் அவிந்தியன் அவுர்வா அனுவிந்தன் அன்சுமான் அஷ்டகன் அஷ்டவக்கிரர் அஸ்வத்தாமன் அஸ்வபதி ஆணிமாண்டவ்யர் ஆதிசேஷன் ஆத்ரேயர் ஆர்யகன் ஆர்ஷ்டிஷேணர் ஆஸ்தீகர் இந்திரசேனன் இந்திரசேனை இந்திரத்யும்னன் இந்திரன் இந்திரஜித் இராவான் {அரவான்} இல்வலன் உக்கிரசேனன் உக்தன் உசீநரன் உச்சைஸ்ரவஸ் உதங்கர் உதங்கா உத்தமௌஜஸ் உத்தரன் உத்தரை உத்தவர் உத்தாலகர் உபமன்யு உபரிசரன் உபஸ்ருதி உலூகன் உலூபி ஊர்வசி எலபத்திரன் ஏகலவ்யன் ஐராவதன் கங்கன் கங்கை கசன் கடோத்கசன் கணிகர் கண்வர் கத்ரு கந்தன் கபோதரோமன் கயன் கருடன் கர்ணன் கலி கல்கி கல்மாஷபாதன் கவந்தன் கனகன் கஹோடர் காகமா காக்ஷிவத் காசியபர் காதி காந்தாரி காமதேனு காயத்ரி கார்க்கோடகன் கார்த்திகை காலகேயர் காலவர் காளி கிந்தமா கிரது கிரந்திகன் கிராதன் கிரிசன் கிரிடச்சி கிருதவர்மன் கிருதவீர்யன் கிருதாசி கிருபர் கிருஷ்ணன் கிர்மீரன் கீசகர்கள் கீசகன் குணகேசி குந்தி குந்திபோஜன் குபேரன் கும்பகர்ணன் குரோதவாசர்கள் குவலாஸ்வன் கேசினி கேசின் கைகேயி கோடிகன் கோமுகன் கௌசிகர் கௌசிகி கௌதமர் சகரன் சகாதேவன் சகுந்தலை சகுனி சக்திரி சக்ரதேவன் சங்கன் சசபிந்து சச்சி சஞ்சயன் சஞ்சயன் 1 சதானீகன் சத்தியபாமா சத்தியவதி சத்தியஜித் சத்யபாமா சத்யவான் சந்தனு சந்திரன் சமீகர் சம்சப்தகர்கள் சம்பா சம்பை சம்வர்ணன் சரஸ்வதி சர்மிஷ்டை சர்யாதி சலன் சல்லியன் சனத்சுஜாதர் சஹஸ்ரபத் சாகரன் சாண்டிலி சாத்யகி சாத்யர்கள் சாந்தை சாம்பன் சாம்யமணி சாரங்கத்வஜன் சாரிசிரிகன் சாருதேஷ்ணன் சால்வன் சாவித்ரி சிகண்டி சிங்கசேனன் சிசுபாலன் சித்திரசேனன் சித்திராங்கதை சித்ரவாஹனன் சிபி சியவணன் சியவனர் சிரிங்கின் சிருஞ்சயன் சிவன் சீதை சுகன்யா சுக்ரன் சுக்ரீவன் சுசர்மன் சுசோபனை சுதக்ஷிணன் சுதர்சனன் சுதர்மை சுதன்வான் சுதாமன் சுதேவன் சுதேஷ்ணை சுநந்தை சுந்தன் உபசுந்தன் சுபத்திரை சுப்ரதீகா சுமுகன் சுரதை சுருதசேனன் சுருதர்வான் சுருதாயுதன் சுருதாயுஸ் சுவாகா சுவேதகேது சுனந்தை சுஹோத்திரன் சூதன்வான் சூரன் சூரியதத்தன் சூரியன் சூர்ப்பனகை சேகிதானன் சேதுகன் சைகாவத்யர் சைப்யை சைரந்திரி சோமகன் சோமதத்தன் சௌதியும்னி சௌனகர் தக்ஷகன் ததீசர் தபதி தபஸ் தமயந்தி தமனர் தம்போத்பவன் தர்மதேவன் தர்மவியாதர் தளன் தாத்ரேயிகை தாருகன் தார்க்ஷ்யர் தாலப்யர் தியுமத்சேனன் திரஸதஸ்யு திரிசிரன் திரிஜடை திருதராஷ்டிரன் திருஷ்டத்யும்னன் திரௌபதி திலீபன் திலோத்தமை திவோதாசன் துச்சலை துச்சாசனன் துந்து துரியோதனன் துருபதன் துருபதன் புரோகிதர் துரோணர் துர்க்கை துர்மதன் துர்மர்ஷணன் துர்முகன் துர்வாசர் துர்ஜயன் துவஷ்டிரி துவாபரன் துஷ்கர்ணன் துஷ்யந்தன் தேவ தேவசேனை தேவயானி தேவாபி தௌமியர் நகுலன் நகுஷன் நரகாசுரன் நரன் நளன் நளன்2 நாரதர் நாராயணர்கள் நாராயணன் நிவாதகவசர்கள் நீலன் நைருதர்கள் பகதத்தன் பகர் பகன் பகீரதன் பத்ரசாகன் பத்ரா பப்ருவாஹனன் பரசுராமர் பரதன் பரத்வாஜர் பராசரர் பராவசு பரீக்ஷித் பரீக்ஷித்1 பர்ணாதன் பர்வதர் பலராமன் பலன் பலி பாகுகன் பாண்டியன் பாண்டு பானுமான் பாஹ்லீகர் பிங்களன் பிரகலாதன் பிரதர்த்தனன் பிரதிவிந்தியன் பிரதீபன் பிரத்யும்னன் பிரத்னஸ்வன் பிரமாதின் பிரம்மத்வாரா பிரம்மா பிரம்மாதி பிராதிகாமின் பிருகதஸ்வர் பிருகத்யும்னன் பிருகு பிருது பிருந்தாரகன் பிருஹத்சேனை பிருஹத்பலன் பிருஹத்ரதன் பிருஹந்நளை பிருஹஸ்பதி பீமன் பீமன்1 பீஷ்மர் புரு புருரவஸ் புரோசனன் புலஸ்தியர் புலஹர் புலோமா புஷ்கரன் பூமாதேவி பூரி பூரிஸ்ரவஸ் பௌரவன் பௌலோமர் மங்கணகர் மடன் மணிமான் மதிராக்ஷன் மதுகைடபர் மந்தபாலர் மந்தரை மயன் மருத்தன் மஹாபிஷன் மஹிஷன் மாதலி மாதவி மாத்ரி மாந்தாதா மாரீசன் மார்க்கண்டேயர் மாலினி மிருத்யு முகுந்தன் முசுகுந்தன் முத்கலர் முனிவர்பகன் மூகன் மேதாவி மேனகை மைத்ரேயர் யது யமன் யயவரர் யயாதி யவக்கிரீ யுதாமன்யு யுதிஷ்டிரன் யுயுத்சு யுவனாஸ்வன் ரந்திதேவன் ராகு ராதை ராமன் ராவணன் ரிசீகர் ரிதுபர்ணன் ரிஷபர் ரிஷ்யசிருங்கர் ருக்மரதன் ருக்மி ருத்திரன் ருரு ரேணுகை ரைப்பியர் ரோமபாதன் லக்ஷ்மணன் லட்சுமணன் லட்சுமி லபிதை லோகபாலர்கள் லோபாமுத்திரை லோமசர் லோமபாதன் லோமஹர்ஷனர் வசாதீயன் வசிஷ்டர் வசு வசுதேவர் வசுமனஸ் வந்தின் வருணன் வர்கா வஜ்ரவேகன் வாசுகி வாதாபி வாமதேவர் வாயு வார்ஷ்ணேயன் வாலகில்யர் வாலி விகர்ணன் விசாகன் விசித்திரவீரியன் விதுரன் விதுலை விந்தன் விபாண்டகர் விபாவசு விபீஷணன் வியாக்ரதத்தன் வியாசர் வியுஷிதஸ்வா விராடன் விருத்திரன் விருஷகன் விருஷசேனன் விருஷதர்பன் விருஷபர்வன் விரோசனன் விவிங்சதி வினதை விஷ்ணு விஸ்வகர்மா விஸ்வாமித்ரர் வேதா வைகர்த்தனன் வைசம்பாயனர் வைவஸ்வத மனு வைனியன் ஜடாசுரன் ஜடாயு ஜந்து ஜமதக்னி ஜரத்காரு ஜராசந்தன் ஜரிதை ஜரை ஜலசந்தன் ஜனகன் ஜனபதி ஜனமேஜயன் ஜாரிதரி ஜிமூதன் ஜீவலன் ஜெயத்சேனன் ஜெயத்ரதன் ஜோதஸ்நாகாலி ஷாமந்தர் ஸ்தூணாகர்ணன் ஸ்வேதகி ஸ்வேதகேது ஸ்வேதன் ஹயக்ரீவன் ஹரிச்சந்திரன் ஹர்யஸ்வன் ஹனுமான் ஹிடிம்பன் ஹிடிம்பை ஹோத்திரவாஹனர்
 

காப்புரிமை

© 2012-2018, செ.அருட்செல்வப்பேரரசன்
இவ்வலைப்பூவின் பதிவுகளை உரிய சுட்டிகளுடன் இணையத்தில் பகிர்ந்து கொள்ளத் தடையில்லை.
வேறு எவ்வகையிலோ, விதத்திலோ இணையத்திலும், பிற ஊடகங்களிலும் பகிரவும், வெளியிடவும் முன்னனுமதி பெற வேண்டும்.
Back To Top