கிண்டில் மின்புத்தகங்கள் - வாங்குவதும், படிப்பதும் எவ்வாறு?

இன்றைய நவீன உலகில் புத்தகங்களைத் தேடிப் படிப்பதற்கு நேரம் கிடைப்பதில்லைதான். இருப்பினும், புத்தகங்கள் உங்கள் விரல் நுனியில் இருந்தால், கிடைக்கும் சொற்ப நேரங்களில் கூட, நீங்கள் விரும்பிய புத்தகங்களை, அல்லது அறிந்து கொள்ள விரும்பும் செய்திகளைப் படிக்கலாம் இல்லையா?

அதற்கு வழிவகுப்பவைதான் மின்புத்தகங்கள். பிடிஎப், மொபி, இபப் (pdf, mobi, epub) என்று ஏகப்பட்ட வகைகளில் மின்புத்தகங்கள் கிடைக்கின்றன. தமிழ்ச்சூழலில் தற்போது வரை அவை அந்நியமாகவே இருப்பினும், எதிர்காலத்தில் அவையே படிப்பதற்கான எளிய வழிமுறைகளாக உருவாகும். அப்படிப்பட்ட வழிமுறைகளில் ஒருவகைதான் அமேசான் வழங்கும் கிண்டில் மென்பொருளில் படிக்கக்கூடிய மின்புத்தகங்களாகும்.

கிண்டில் படிப்பான் (வன்பொருள்)

கிண்டில் என்பது அமேசான் நிறுவனம் வழங்கும் மின்புத்தக படிப்பானாகும். முதலில் வன்பொருள் கருவியாக (Kindle reader) அறிமுகமாகிய இப்படிப்பான், இப்போது ஆண்ட்ராய்டு மொபைல்களிலும், டேப்லட்டுகளிலும் மின்புத்தகங்களைப் படிக்க வழி ஏற்படுத்தக்கூடிய மென்பொருளாகவும் பதிவிறக்கத்திற்குக் கிடைக்கிறது. அம்மென்பொருளை அமேசான், கூகிள் பிளேஸ்டோர், சிநெட் எனப் பல்வேறு தளங்களின் மூலம் பதிவிறக்கிக் கொள்ள முடிகிறது.

ஆண்ட்ராய்டு இயங்குதளத்தில் இயங்கக்கூடிய அனைத்து வன்பொருள்களிலும் (Mobile/Tablet/PC) இந்தக் கிண்டில் மென்பெருளைப் பதிவிறக்கிக் கொள்ளலாம். மொபைல் மற்றும் டேப்லட்களில் இந்த மென்பொருளை நிறுவிக்கொண்டால் தமிழ் மின்புத்தகங்களை எளிதாகப் படிக்கலாம்.

கிண்டில் மென்பொருளைப் பதிவிறக்கி, தமிழ் மின்புத்தகங்களைப் படிப்பதெவ்வாறு?

1. https://play.google.com/store/apps/details?id=com.amazon.kindle&hl=en என்ற சுட்டியில் ஆண்ட்ராய்டுக்கான  கிண்டில் மென்பொருளைப் பதிவிறக்கிக் கொள்ளலாம். அல்லது உங்கள் ஆண்ட்ராய்டு மொபைலில் உள்ள பிளேஸ்டோர் Appல் Kindle என்று தேடி நிறுவிக் கொள்ளலாம்.

2. இந்த மென்பொருளை உங்கள் வன்பொருளில் (Mobile/Tablet) நிறுவிக் கொண்ட பிறகு, அதனுள் நுழையுங்கள்.

3. இப்போது Register now to get started என்ற ஒரு தேர்வு தோன்றும். அதில் மின்னஞ்சல் முகவரியும், கடவுச் சொல்லும் கேட்கப்படும்.

அ. நீங்கள் ஏற்கனவே அமேசான் வலைத்தளத்தில் பொருட்கள் வாங்கிப் பழக்கப்பட்டவராக இருப்பின், அதே மின்னஞ்சல் முகவரியும், கடவுச் சொல்லுமே இதற்குப் போதும். அதையே உள்ளீடு செய்யலாம்.

ஆ. அமேசானில் இதுவரை பொருட்கள் வாங்காதவராக இருப்பின், அதே ஸ்கிரீனின் இறுதியில் Don't have an Amazon account Create one now என்ற தேர்வைச் செய்யவும். அடுத்து வரும் ஸ்கிரீனில் உங்கள் மின்னஞ்சல் முகவரியையும்,  நினைவில் வைத்துக் கொள்ளக்கூடிய ஒரு புதிய கடவுச்சொல்லையும் உள்ளீடு செய்து, அமேசானில் புதிய கணக்கொன்றைத் தொடங்கிக் கொள்ளுங்கள்.

4. உங்கள் மின்னஞ்சல் பதிவான பிறகு, அந்த மென்பொருள் உங்களை உள்ளே அனுமதிக்கும்

அடுத்து தோன்றும் திரையில், அந்தக் கிண்டில் மென்பொருளின் மேல் வலது மூலையில் (Top right corner) வண்டி போன்ற அடையாளத்துடன் இருக்கும் கிண்டில் ஸ்டோரை (Kindle Store) தேர்வைச் செய்யவும்.

5. அந்தக் கிண்டில் ஸ்டோருக்குள் search என்றொரு தேர்வு இருக்கும். அதைத் தேர்ந்தெடுத்து, அந்தத் தேடு பொறியில், நீங்கள் வாங்க நினைக்கும் புத்தகத்தின் பெயர், அல்லது எழுத்தாளரின் பெயர், அல்லது பதிப்பகத்தின் பெயரை உள்ளீடு செய்தால், அவற்றின் விலைப்பட்டியல் காட்சியில் தோன்றும்.

"மஹாபாரதம்", "அருட்செல்வப்பேரரசன்" என்று தமிழிலோ, "Arul Selva Perarasan", "arul selva", "perarasan" என்று ஆங்கிலத்திலோ உள்ளீடு செய்து தேடினால், மஹாபாரதம் தொடர்பான நமது மின்புத்தகங்களின் விலைப்பட்டியல் தோன்றும்.

6. அதில் நீங்கள் வாங்க நினைக்கும் புத்தகத்தைத் தேர்ந்தெடுத்தால், Buy now with one click அல்லது Buy now என்ற தேர்வு வரும். அதைத் தேர்வு செய்து, உங்கள் வங்கிக் கணக்கின் மூலமாகவோ, ஏடிஎம் கார்டு மூலமாகவோ அந்த மின்புத்தகத்தை வாங்கிக் கொள்ளலாம். வாங்கிய சிறிது நேரத்தில் அந்த மின்புத்தகம் உங்கள் கிண்டில் மென்பொருளுக்குள் பதிவிறங்கும்.

கிண்டிலுக்கு வெளியே வந்து, நமது முழுமஹாபாரதம் வலைப்பூவில் http://mahabharatham.arasan.info/p/mahabharata-tamil-short-stories-sidebar.html என்ற சுட்டிக்கு சென்றாலும் மேற்கண்ட புத்தகங்களின் விலைப்பட்டியல் கிடைக்கும். அதில் நீங்கள் வாங்க நினைக்கும் புத்தகத்தின் சுட்டியைத் தேர்வு செய்தால், அது உங்களை அப்புத்தகத்தின் அமேசான் பக்கத்திற்கு அழைத்துச் செல்லும் அங்கே Buy now என்ற தேர்வைச் செய்து மேற்கண்ட முறையிலேயே அந்த மின்புத்தக்கத்தை வாங்கிக் கொள்ளலாம். அடுத்து நீங்கள் கிண்டில் மென்பொருளுக்குள் நுழைந்த  சிறிது நேரத்தில் அந்த மின்புத்தகம் உங்கள் கிண்டில் மென்பொருளுக்குள் பதிவிறங்கிக் கொள்ளும்.

இவ்வாறு எத்தனை மின்புத்தகங்களை வேண்டுமானாலும் பதிவிறக்கிக் கொள்ளலாம். அவை எப்போதும் உங்கள் மென்பொருளிலேயே உங்கள் கணக்கில் இருக்கும். மேலும் நீங்கள் எத்தனை வன்பொருள்களை வைத்திருந்தாலும், அவற்றிலும் கிண்டில் மென்பொருளைப் பதிவிறக்கி, அதே மின்னஞ்சல் மற்றும் கடவுச்சொல்லை உள்ளீடு செய்தால், நீங்கள் இதுவரை வாங்கிய மின்புத்தகங்கள் அனைத்தும் அவற்றிலும் பதிவிறங்கிக் கொள்ளும்.

பிறகு நீங்கள் உங்கள் மென்பொருளின் லைப்ரரியில் பதிவிறங்கியிருக்கும் அப்புத்தகங்களை ஒவ்வொன்றாகத் திறந்து படிக்கலாம். கிண்டில் மென்பொருளில் எழுத்துருக்களின் அளவை மாற்ற, பின்புற நிறத்தை மாற்ற, Portrait and Lanscape ஆக மாற்றிக் கொள்ள என்று நிறைய தேர்வுகள் இருக்கின்றன. அவற்றில் உங்களுக்குப் பிடித்தமானவற்றைத் தேர்வு செய்து, ஓய்வு கிடைக்கும் எந்த இடத்திலும்  எளிமையாகவும், இனிமையாகவும் படிக்கலாம்.

மஹாபாரதம் சம்பந்தமாகக் கிண்டிலில் கிடைக்கக்கூடிய நமது மின்புத்தகங்கள்.

ஜெயம்
1. வெற்றிமுழக்கம்  (ஜெயம் - 1) - ₹.177/-

சிறுகதைகள்
1. உதங்க சபதம்(கிண்டில் பதிப்பு - கதை 1)- ₹.49/-
2. கருடனும்! அமுதமும்!!(கிண்டில் பதிப்பு - கதை 2)- ₹.56/-
3. நாகர்களும்! ஆஸ்தீகரும்!!(கிண்டில் பதிப்பு - கதை 3)- ₹.75/-
4. துஷ்யந்தன் சகுந்தலை(கிண்டில் பதிப்பு - கதை 4)- ₹.70/-
5. யயாதி (கிண்டில் பதிப்பு - கதை 5)- ₹.127/-

கதைத்தொகுப்பு
1. நாகவேள்வி!(கிண்டில் பதிப்பு - கதைத் தொகுப்பு 1)- ₹.130/-
(சிறுகதைகள் பட்டியலில் காணப்படும் முதல் மூன்று புத்தகங்களின் தொகுப்பு)

ஆங்கிலத்தில் | In English