இங்கு விவாதிக்கப்படும் பதிவு http://www.jeyamohan.in/?p=43838 என்ற லிங்கில் இருக்கிறது.
இப்பதிவில் மானசா தேவியால் வழியனுப்பப்பட்ட ஆஸ்தீகரின் பயணம் விவரிக்கப்படுகிறது
*******************************************************
முழுமஹாபாரதத்தில் ஆஸ்தீகரின் பயண விவரம் என்ற லிங்கில் வருகிறது.
ஜனமேஜயனின் வேள்வி குறித்த விவரம்
*******************************************************
ஜனமேஜயனின் வேள்வி குறித்த விவரம்
*******************************************************
இப்பதிவில் நான் ரசித்தவை....
ஆஸ்தீகர் பயணத்திற்காக எடுத்தச்சென்ற பொருட்களைப் பற்றிய குறிப்புடன் ஆரம்பிக்கிறது வேள்விமுகம் - 2
மகனை வழியனுப்பிவிட்டு பார்த்துக் கொண்டிருக்கும் தாய் நம் முன் ஓவியமாகத் தெரிகிறாள். அந்த அளவு வார்த்தைகளையில் அழுத்தம்.
பாரதப் பண்பாட்டைச் சொல்ல //பாரதத்தின் ஒவ்வொரு ஊரிலிருந்தும் அஸ்தினபுரிக்குச் செல்லும் ஒரு பாதை இருந்தது. இரவுகளில் மரத்தடிகளிலும் மழைபெய்யும்போது கோயில்மண்டபங்களிலும் கழித்தபடி கால்களில் புழுதிபடிய, சிவந்த சருமம் வெந்து கருக அவன் நடந்து சென்றுகொண்டே இருந்தான். மரவுரியணிந்த முனிகுமாரனை ஒவ்வொரு ஊரிலும் குடும்பத்தவர்கள் வந்து வணங்கி உணவும் நீரும் இடமும் அளித்து வழியனுப்பிவைத்தனர்.// ஊரே முனிவர்களை விருந்தினராகக் கருதி உணவு கொடுத்தனர் என்ற செய்தியைச் சொல்கிறார்.
//இருநூற்றெழுபது நாட்களுக்குப்பின் அவன் அஸ்தினபுரியின் பெருமதில்வளைவை சிறிய செம்மண்குன்று ஒன்றின் மேல் நின்று பார்த்தான்.// என்ற செய்தியின் மூலம் ஆஸ்தீகரின் பயண கால அளவைச் சொல்கிறார். முழு மஹாபாரதத்தில் இந்த விவரங்களைத் தேடினால் கிடைக்காது.
அஸ்தினாபுரி வர்ணனை அழகாக இருக்கிறது.
ஜனமேஜயன் நடத்திய நாக வேள்வியை //அஸ்தினபுரியில் மாமன்னன் ஜனமேஜயன் பலகட்டங்களாக ஐந்துமாதங்களாக நடத்திவந்த மாபெரும் பூதவேள்வி ஒன்று அன்று முடிவுக்கு வந்துகொண்டிருந்தது.// என்று சொல்கிறார்.
இன்றைய பதிவில் இருக்கும் படத்திற்கான கரு இந்த வரிகளே //வானத்தில் எழுந்ததுபோல ஜனமேஜயனின் அரண்மனைமுகடு தெரிந்தது. மரப்பலகையால் செய்யப்பட்டு வெண்சுண்ணமும் அரக்கும் கலந்து பூசப்பட்ட கவிழ்ந்த தாமரைவடிவமான கூரைக்குவை, மண்ணிலிறங்கிய மேகக்குமிழ்போல. அதன் மேல் குருவம்சத்தின் அமுதகலசச் சின்னத்தைத் தாங்கிய பெரிய பொன்னிறக்கொடி துவண்டு அசைந்தது. அதைச்சுற்றி தாமரைக்கூட்டங்கள் போல வெண்ணிறமான சிறியமுகடுகள். அரண்மனையின் உள்கோட்டை செம்மண் நிறத்தில் வட்டமாக சுற்றிவளைத்திருக்க அதன் நுழைவாசலின் மரத்தாலான தோரண வளைவுக்குமேல் தொங்கிய காவல்மணியாகிய காஞ்சனம் தாலிச்சின்னம்போல பொன்னிறமாக சுடர்விட்டுக்கொண்டிருந்தது.//
வர்ணபேதம் குறித்து //நடுவே சென்று மேலும் இரண்டாகப் பிரிந்த பந்தல்களில் ஒருபக்கம் செந்நிற தலைப்பாகைகள் அணிந்த சத்ரியர். மறுபக்கம் பொன்னிறத் தலைப்பாகைகள் அணிந்த வைசியர். அப்பால் நீலநிறத்தலைப்பாகை அணிந்த சூத்திரர். ஒவ்வொரு பகுதியிலும் பெண்களுக்கான இடம் தனியாக பகுக்கப்பட்டிருந்தது.// என்று சொல்கிறார். இவையும் தேவி பாகவதத்தில் இருக்கிறதா அல்லது ஆசிரியரின் புனைவா என்பது தெரியவில்லை.
கட்டியம் கூறுதல் வித்தியாசமாக இருக்கிறது //முதலில் கட்டியம் சொல்லும் கோல்காரன் உள்ளே வந்தான். கையில் பெரிய பொன்னாலான தலைக்கோலை வைத்திருந்தான். மிடுக்குடன் உள்ளே வந்து அவைமேடை மேல் ஏறி நின்று தலைக்கோலை மேலே தூக்கி உரக்கக் கூவினான் “ஜெயவிஜயீபவ! அஸ்தினபுரத்தை ஆளும் வேந்தர், அத்திரி முனிவரின் கொடிவழிவந்தவர், குருகுலத்தோன்றல் பரிட்சித் மாமன்னரின் புதல்வர், மண்ணுக்கும் விண்ணுக்கும் இனியவர், பாரதவர்ஷத்தின் தலைவர் ஜனமேஜய மகாசக்ரவர்த்தி எழுந்தருள்கிறார்!”//
ஜனமேஜயன் வேள்விப்பந்தலுக்கு வருவதுடன் இன்றைய பதிவை முடிக்கிறார்.
*******************************************************
மேற்கண்டவாறு வெண்முரசின் ஒவ்வொரு பதிவையும் இதே போல எனது முகநூல் நிலைத்தகவலில் இந்த வலைப்பூவிலும் தினமும் பதியலாம் என்றிருக்கிறேன்.
அதாவது, வெண்முரசின் அந்தப் பதிவின் பாத்திரங்களும் சம்பவங்களும், முழு மஹாபாரதத்தில் எங்கெல்லாம் ஒத்திசைகிறதோ, அவற்றைத் திரட்டி முழு மஹாபாரதத்தின் அந்த லிங்குகளைக் கொடுத்தலும் வெண்முரசின் அந்தப் பதிவில் நான் ரசித்த பகுதிகளைச் சொல்தலும் அந்த நிலைத்தகவலில் இருக்கும்.
|
|
இப்பதிவு குறித்து முகநூலில் Like/Comment/Share செய்யலாமே!